நோய்களும் மரணமும்

நோய்கள் வேறு, மரணம் வேறு
மரணம் என்பது அனைவருக்கும் வந்தே தீரும். மரணம் வருவதற்கான எந்த வயது கட்டுப்பாடும் கிடையாது, யாருக்கும் வேண்டுமானாலும், எப்போது வேண்டுமானாலும் வரலாம். மரணம் முதுமையில்தான் வரும் அல்லது நோய்கள் இருந்தால் தான் வரும் என்று எந்த விதிமுறைகளும் கிடையாது.

நோய்கள் உயிரை கொள்ளும் என்பது வெறும் கட்டுக்கதையே, நோய்வாய்பட்ட எல்லோரும் மரணமடைவதில்லை. நோய்கள் உண்டாகி, நோய்களின் காரணமாக மரணமடைபவர்கள் மிகக் குறைவே. நோய்கள் உண்டானதும், நோய்களைக் கண்டு, உண்டாகும் அச்சத்தால் மரணமடைபவர்கள் தான் அதிகம்.

நாம் இதை கொஞ்சம் வேறு கோணத்தில் பார்ப்போம். நோய்வாய்பட்டு மரணமடைந்தவர்கள்; மரணமடைவதற்கு சில காலங்களுக்கு முன்பாக நோய்வாய்பட்டார்கள் என்று கூறலாம். காரணம் இது தான் உண்மை. மரணம் வேறு நோய்கள் வேறு. இவை இரண்டையும் முடிச்சுப்போட்டு பயமுறுத்தி பணம் பறிக்கிறார்கள் சில மருத்துவர்கள். எல்லா மருத்துவத்திலும் இது போன்ற மருத்துவர்கள் இருகிறார்கள்.

ஒருவருக்கு ஏதாவது ஒரு நோய் உண்டானால் அதை குணப்படுத்துவது தான் மருத்துவரின் வேலை. நோய் குணமாக வேண்டுமென்றால் முதலில் நோயாளியின் மனதில் தைரியத்தை உருவாக்க வேண்டும், அடுத்ததாக நோய் குணமாகும் என்ற நம்பிக்கையை கொடுக்கவேண்டும், கடைசியாகத்தான் சிகிச்சை செய்ய வேண்டும்.

மன தைரியமும் நோய்கள் குணமாகும் என்ற நம்பிக்கையும் மட்டும் இருந்தாலே எல்லா நோய்களும் பறந்து போகும். மருந்து மாத்திரைகள் எதுவுமே தேவையில்லை. இதை விடுத்து மருத்துவர்கள் நோயாளிகளின் சாவுக்கு நாள் குறிக்கக் கூடாது. மருத்துவர்கள் தங்களிடம் வரும் நோயாளிகளிடம் இந்த நோய் கொன்றுவிடும், இந்த நோய் உண்டானால் இத்தனை நாட்கள்தான் வாழலாம்; அந்த நோய் உண்டானால் அத்தனை நாட்கள்தான் வாழலாம் என்று கூறுவதை முதலில் நிறுத்த வேண்டும்.

மருத்துவர்களே ஒன்றை தெளிவாக புரிந்துக்கொள்ளுங்கள், மனிதனின் பிறப்பும் இறப்பும் இறைவன் கையில் உங்கள் கையில் இல்லை; ஆனால் உங்கள் வாக்கை நம்பிக்கை கொள்ளும் நோயாளிகளின் மரணம் உங்கள் வாக்குப்படியே நடக்கும். அதனால் நோயாளிகளுக்கு நம்பிக்கையையும், மன தைரியத்தையும் உருவாக்குங்கள், நோயாளி இறந்துவிடுவார் என்று தெரிந்தாலும் அவரிடம் தெரிவிக்காதீர்கள்.

எல்லா மருத்துவர்களிடமும் ஒன்று வேண்டிக் கேட்டுக்கொள்கிறேன். உங்களுக்கு நோயின் தன்மை விளங்கவில்லை என்றாலோ, உங்களுக்கு ஒரு நோயைக் குணப்படுத்த தெரியவில்லை என்றாலோ. நோய் குணமாகாது என்று நீங்கள் நினைத்தாலோ. அதை நோயாளிகளிடம் தெரிவிக்காதீர்கள்.

இந்த உலகில் குணபடுத்த முடியாத நோய்களே கிடையாது. உங்களால் முடியாமல் போனாலும் அடுத்தவர் குணப்படுத்துவார். ஆனால் நோயாளிகள் மட்டும் மன தைரியத்தை இழந்து விட்டால் யாராலும் காப்பாற்ற முடியாது. அதனால் எந்த நோயும் குணமாகாது என்றும், இறந்துவிடுவீர்கள் என்றும் நோயாளிகளிடம் கூறாதீர்கள். என் மருத்துவரே குணமாகாது என்று கூறிவிட்டார் என்ற விரக்தி ஒன்று போதும் மனிதனைக் கொல்ல.

மருத்துவர்கள் கடவுள்கள் அல்ல
நோயாளிகள் ஒன்றை தெளிவாக விளங்கிக் கொள்ள வேண்டும். மருத்துவர்கள் ஒன்றும் கடவுள்கள் அல்ல. மருத்துவர் ஒரு நோய் குணமாகாது என்று கூறினால், அதன் உண்மையான பொருள், “எனக்கு இந்த நோயை குணபடுத்த தெரியாது” என்பதே. அவர்களால் முடியாவிட்டாலும் அந்த நோய்களைக் குணப்படுத்துவதற்கு யாராவது இருப்பார்கள் தேடிப்பாருங்கள். எந்தச் சூழ்நிலையிலும் நம்பிக்கையை மட்டும் இழந்து விடாதீர்கள். நிச்சயமாக எல்லா நோய்களும் குணமாகும்.

No comments:

Post a Comment